ده الجزء الأول من دليل غُزار الكامل. لو التطبيق مش عندك نزّله من صفحة التطبيق — والحساب واحد للتطبيق والموقع.
١. التسجيل
- بالبريد: اكتب اسمك وبريدك وكلمة سر (٦ أحرف على الأقل) واختار محافظتك — المحافظة بتظهر في بروفايلك وبتحدد لجنة محافظتك في الانتخابات.
- بجوجل: زرار «الدخول بحساب جوجل» بيعمل الحساب فورًا بنفس البريد. لو بعدين دخلت من الموقع بجوجل، بيدخل على نفس الحساب.
- وافق على الشروط — النص الكامل مفتوح من الشاشة نفسها، اقراه مرة واحدة على الأقل.
٢. فعّل بريدك
هيوصلك رابط تفعيل. اضغطه من نفس التليفون — بيفتح صفحة على ghuzar.com بتقولك «اتفعّل» وبترجّعك للتطبيق. لو الرابط ما وصلش: شوف الرسائل غير المرغوبة، أو اطلب إعادة الإرسال من الإعدادات.
التفعيل مش شرط للدخول حاليًا، لكنه شرط لاسترجاع الحساب لو نسيت كلمة السر — ما تأجّلوش.
٣. اسم المستخدم ورقم العضوية
- رقم العضوية (
GHZ-000123) بيتولّد تلقائيًا وثابت للأبد — ده اللي بيظهر على بطاقتك وفواتيرك. - اسم المستخدم إنت اللي بتختاره من الإعدادات ⇐ الحساب: فريد، إنجليزي وأرقام، وبيسهّل إن الناس تلاقيك وتشاركك. تقدر تغيّره بعدين.
٤. البروفايل
من تاب البروفايل ⇐ تعديل:
- صورة شخصية (بتتقص مربّع تلقائيًا) وغلاف عريض.
- نبذة قصيرة: إيه اللي بتربّيه ومن إمتى.
- روابط السوشيال (فيسبوك · واتساب · تيك توك · إنستجرام) — بتظهر كأزرار في بروفايلك العام.
- الخصوصية: «حساب خاص» بيخفي محتواك عن غير المتابعين، وتقدر تخفي رقمك وعدد طيورك ولوفتك كل واحد لوحده.
٥. قاعدة الجهاز الواحد
حسابك بيشتغل على جهاز واحد في نفس الوقت: لو دخلت من تليفون تاني، الأول بيخرج تلقائيًا. الجلسة دايمة — مفيش خروج تلقائي إلا لو إنت عملته. الدخول من الموقع (للدفع والحساب) جلسة قصيرة منفصلة ومابتطردش التطبيق.
٦. الإشعارات
أول ما التطبيق يطلب إذن الإشعارات وافق — المزادات والدردشة والمعاملات المالية كلها بتوصلك منها، وتقدر تفصّلها نوعًا بنوع من الإعدادات ⇐ الإشعارات.
اللي بعده
الجزء ٢: لوفتك — سجّل طيورك صح.
