الجزء ٨ من دليل غُزار الكامل. القاعدة الأساسية: الاشتراك هو اللي بيحدد صلاحياتك، والدور (مربّي · تاجر · مؤثّر) شارة.

١. الخطط

أربع خطط: مجاني · شهري · نصف سنوي · سنوي. كل خطة بتحدد: عدد الطيور · عدد المنشورات · فتح المتجر · أدوات المربّي المتقدمة · العمولات والرسوم (توثيق · تقييم · ملف الطائر · نقل الملكية · سحب). الأرقام حيّة في صفحة الاشتراكات — الإدارة بتعدّلها من اللوحة، فالمقال ده ما بيكتبهاش.

الخطط المدفوعة بتفتح ثيماتها مجانًا طول مدة الاشتراك، والاشتراك بيمنح دور التاجر تلقائيًا (لفتح متجر — الجزء ١٠).

٢. طريقتان للدفع

  • من التطبيق: عبر Google Play (بطاقة أو رصيد Play أو فوري). التجديد تلقائي من Play، وتلغيه من Play ⇐ الاشتراكات.
  • من الموقع: ghuzar.com/pricing ⇐ ادخل بحسابك ⇐ Paymob (بطاقة أو محفظة إلكترونية). الاشتراك بيظهر في التطبيق خلال ثوانٍ. من حسابك على الموقع تقدر تفعّل التجديد التلقائي ببطاقة محفوظة أو تلغيه.
لو عندك اشتراك Play بتجديد تلقائي شغّال، الموقع هيرفض يبيعلك تاني عشان ما تدفعش مرتين — ألغِ التجديد من Play الأول.

٣. الرصيد: توثيق · تقييم · ملف · مسابقة

الخدمات دي بتتشترى كرصيد: بتدفع مرة، وبيتخصم لما تطلب الخدمة فعلًا من التطبيق. لو الطلب اترفض، الرصيد بيرجع.

  • من التطبيق: زرار الشراء في شاشة الخدمة نفسها (Play).
  • من الموقع: المتجر الرقمي — نفس الرصيد على نفس الحساب. لو خطتك بتخلّي الخدمة مجانية، الموقع بيقولك «اطلبها من التطبيق» بدل ما يبيعها لك.

٤. الثيمات

الإعدادات ⇐ المظهر: ثيمان مجانيان + ٣ مدفوعة (زمردي · أوكسبلَد · ملكي) بمعاينة حيّة قبل الشراء. الثيم المشترى ملكك للأبد — مش مربوط بالاشتراك.

٥. الفواتير

كل عملية (من أي قناة) ليها فاتورة برقم GZ-… في حسابك على الموقع: عرض · طباعة · تنزيل PDF رسمي بـQR. وبيوصلك إيصال بالبريد بعد كل شراء من الموقع.

٦. مهلة السماح

لما الاشتراك ينتهي، فيه مهلة سماح (أيام محددة من الإدارة): محتواك كله بيفضل، والنشر الجديد بس بيتقفل لحد التجديد. اللي عنده طيور أكتر من سقف الخطة المجانية ما بيخسرش طيوره — بس ما يقدرش يضيف.

٧. الإحالة والعجلة

  • كود الإحالة بتاعك (GHUZAR…) في البروفايل — لما عدد الدعوات يوصل الرقم المحدد بتاخد شهر مجاني.
  • عجلة الحظ (لو مفعّلة): مرة يوميًا، والجوايز بتتسلّم تلقائيًا (أيام اشتراك · كود خصم · شارة).

اللي بعده

الجزء ٩: المجتمع.